وكل خلجة في قلبي حنين
وباموت وباصحى على لقاها
وشوقي على شعرها ياسمين
بادوب وقلبي بيهواها
وأعشق حسنها وبهاها
وأزرع لها قلبي بساتين
وأجيب لها م السما نجمة
وأعزف لها م الروح نغمة
موسيقى مفيهاش أي أنين
وأجمع لها في الليل الضي
وأفرش لها ف الشمس الفي
وأصنع لها تاج ملهوش زي
هديه ل ست الحلوين
وإن كان زماني خلي بيا
ونسي يعاملني بحنية
هاروحله أعاتب فيه شوية
وأفكّره بجرح العاشقين
ياليل ياقاعد ع الشجرة
حبيبي هجرني بقاله فترة
هاتولي إنتا بيه أدرى
وقوله كفاية الهجر سنين
ياورد على كل الأشكال
إسأل حبيبي كيف الحال
تملّي ف القلب و ع البال
أهل الهوى دايماً مساكين
ليست هناك تعليقات:
إرسال تعليق