قولوا
لبهيه ... قولوا ياناس
غناوي العاشق
المحتاس
مابين الغيبه
والزنازين
بقول
كلمتي .. بقول غنوتي
وباحكي
عليكِ للمساجين
صحبتي
... فرجتي
في
الزنزانه رقم خمسين
***
وباحكي
عليكِ للسجّان
وإيه
الفرق ياناس بيني
وبين
السجّان
ماكُلنا
جوّه حديد
أيوه
حديد..وجوّه حيطان
***
وحكيتله
عنّك وقلتله
إنك
يابهيه شط أمان
إنك
يابهيه حاجه جنان
أيوه
جنان
***
جنان
يوم ماقلت في وش العسكر
كلمة
الحق ضد الظلم مش أكتر
حطّوا
الحديد ف إيدي
والبندج
ف ضهري
ورموني
ف العنبر
في
الزنزانه رقم خمسين
***
وفات
م العمر.. كل العمر
وضاع
يابهيه
من
طول الحبس
ومن
الكلبش
والكرباج
إللي ما يعلّم
ما
يحُسبش
ودمع
العين .. في نن العين
ما
بينشفش
من
ضرب الكف يابوي
فوق
ودني
إطرشيت ما بسمعش
قالوا
خلاص
آهو مات ياسين
في
الزنزانه رقم خمسين
***
لكني
برغم ماشفت
في
بُعدِك نار
أنا
كُلي شوق
أنا
ابن النار
أنا
الكلمه.. أنا الزرعه
أنا
الإنسان
أنا
العامل في أرض الناس
عشان
الناس
أنا
الشقيان
أنا
المعدوم في بحر الويل
مع
العطشان
أنا
الصابر ... أنا المظلوم
مع
السجّان
أنا
الدمعه .. أنا الشمعه
أنا
الطريق
إللي
عليه يعدي الحق
ويفرش
مكان مايعدي الخير
أنا
ابن النار
أنا
مشوار عشان الغير
***
عشان
الناس تعمل زي
مانا
بـ اعمل
أنا
واحد من ملايين
أنا
يابهيه مع المساجين
في
الزنزانه رقم خمسين
لو
مت زي ماقالوا هناك
فيه
غيري ياما ملايين
بس
إفتكري ولدك ياسين
ليست هناك تعليقات:
إرسال تعليق