(1)
يامصر وانتي العظيمة
وشعبك الأعظم
قمتي هزمتي الهزيمة
وقهرتي ليل مظلم
فجرك طلع بالعزيمة
نصراني مع مسلم
(2)
قومي انفضي التراب
اللي ملا توبك
لا دولا قدرك يامصر
ولا دولا مكتوبك
دولن جماعة دجل
لا يعرفوا حجمك
ولا يسووا مركوبك
قالوا عليكي
كافره وسافره
ولازم تتطهري
من خطيك وملعوبك
عايزين يدفنوكي بالحيا
وقالوا انهم بيداروا ف
عيوبك
قمتي انتي اللي دفناهم
ف الطين ورمياهم
وديّه طبيعتك يامصر
ودوّه اسلوبك
(3)
لا انتم صحابة النبي
ولا احنا أهل قريش
كبير كبيركم غبي
دجّال بياكل عيش
دا شعب مش مذهبي
وحضارته فن العيش
دا شعب مصر الأبي
بشويش عليه بشويش
ازاي تقول ياغبي
دوّه انقلاب م الجيش
(4)
شعب وجيش
ومعاهم الشرطه
انقذوا مصر
من أخطر ورطه
الإخوان
كانوا
أكبر غلطه
ليست هناك تعليقات:
إرسال تعليق