أنا أصلاً شاعر .. لكن مغمور
والشعر ياصاحبي .. عالم مسحور
مش بس أوزان .. مش بس بحور
الشعر إني أملك.. جناحات عصفور
وأظل أزقزق من فوق
السور
ساعات فرحان .. وساعات مقهور
وحبيبتي بعيده .. تفصلنا بحور
تحدفني الموجه .. أتشقلب أدور
عايزه تخليني .. عبد المأمور
لكني بقاوم .. لكني باثور
ويامصر انتي .. النار والنور
مهما حبسوكي .. أو علّوا السور
مين يقدر يمنع .. الأرض تدور
لا مرسي مبارك .. ولا فتحي سرور
ليست هناك تعليقات:
إرسال تعليق